Google Microsoft şirkətini plagiatda günahlandırıb və bunun axtarış sistemlərinin inkişafında mənfi pol oynadığını qeyd edib. Şirkətin nümayəndələrinin fikrincə, Microsoft Bing Google axtarış sisteminin sadəcə "ucuz bənzətməsi”dir.

Qeyd edək ki, şirkətlər arasında gərginliyə səbəb olan hadisə yayda baş verib. Yayda Google axtarış sisteminin mütəxəssisləri internet istifadəçilərinin «tarsorrhaphy» (tarzorafiya – nadir cərrahiyyə əməliyyatıdı, mənası - göz qapaqlarının kənarlarının tikişi deməkdir.) sözünü düzgün yazmayaraq, bu sözlə bağlı məlumat axtardıqlarını müəyyən ediblər.

Google sözün düzgün yazılışını və onunla bağlı məlumatları istifadəçilərə təqdim edib. Bing serveri isə başlanğıcda sözü müəyyən edə bilmədiyi üçün istifadəçilərə məlumat təqdim edə bilməyib.

Oktyabr ayında şirkət müəyyən edib ki, Google axtarış sistemində populyar olan axtarış sözləri Bing serverinin topluğunda tez-tez müşahidə edilir. Google bu məlumata etinadsızlıq göstərməyib və eksperiment keçirmək qərarına gəlib.

Şirkət eksperiment olaraq, təsadüfi hərflərdən ibarət təqribən 100 sözlə bağlı axratışlar aparıb və o sözlərlə heç bir əlaqəsi olmayan konkret saytları axtarış nəticəsi kimi təqdim edib. İki həftədən sonra həmin nəticələr Bing serverində də öz əksini tapıb.

Google Microsoft şirkətini plagiata son qoymağa çağırıb, Microsoft isə öz növbəsində bunu inkar edir.